Gerum klárt fyrir veturinn í garðinum

Haustverkin í garðinum felast almennt í því að ganga frá hlutum sem hafa verið í notkun yfir sumarið. Setjið verkfæri í þurra geymslu og gangið þannig frá garðhúsgögnum og grillum að þau fjúki ekki.

Blómaker sem ekki þola frost þarf að tæma og koma fyrir á hvolfi þar sem lítið mæðir á. Laufinu á grasflötinni er best að raka saman og grafa þau í holur í trjábeðunum eða blanda þeim í moltubinginn.

Haustin eru svo tilvalin til að setja niður haustlauka. Haustlaukarnir gefa okkur loforð um litríkt vor en algengt er að setja niður krókusa, túlípana, liljur o.fl. Haustlaukar fást í miklu úrvali í Húsasmiðjunni og Blómavali og hægt er að fá ráðgjöf um tegundir og verklag í hjá garðyrkjufræðingum Blómavals.

Á haustin er líka gott að hreykja laufum, sandi og mold að plöntum sem hafa jarðstöngulinn alveg í yfirborðinu, t.d. ýmsum lyklum og hjartasteinbrjota.